За овој рецепт се потребни помалку од 60 минути

1. Спанаќот добро се мие и се сечка ситно.
2. Се става во сад, се додава младото сирење, кајмакот и малку млеко, па полека се меша.
3. Јајцата пенасто се матат, па се додаваат во смесата со спанаќот. Се посолува по желба и со виљушка се меша за да се соединат сите состојки, но сирењето да не се претвори во каша.
4. Корите за пита се делат на два еднакви дела.
5. Соодветна, четириаголна тепсија се подмачкува со масло, па се реди една кора. Кората се попрскува со масло, па се става втора кора и така сè додека се искористат сите кори од првиот дел.
6. Врз последната кора се истура смесата од спанаќ и добро се распоредува со лажица.
7. Врз филот се става една кора, се попрскува со масло, па втората и сè така додека се потрошат сите кори.
8. Питата се сече на коцки и се пече околу 45 минути во рерна, претходно загреана на 200°C.
9. Ако сакате посочна пита, полијте ја со мешавина од млеко, путер и павлака и вратете ја уште 5 минути во рерна да ја впие течноста.