Овој рецепт се подготвува за помалку од 70 минути

1. Компирите сварете ги и додека се се уште топли, излупете ги и испасирајте ги. Ставете го брашното врз рамна површина и врз него додајте ги испасираните компири.
2. Додајте 2 лажици рендан пармезан. Спанаќот сварете го, исцедете го и исечкајте го. Додајте го на пирето. Посолете го и започнете да ги мешате состојките, најнапред со лажица, а потоа и со раце, се додека не добиете мека и хомогена смеса.
3. Лососот исечете го на долга квадратна лента со широчина 5-7 мм. Смесата од компири оформете ја во долгнавести широки ленти и на средината на сакоја ставете по една врвка од лосос. Затворете ја смесата врз лососот и притиснете ја со рацете за да добиете тркалезна врвка.
4. Исечете ги врвките на парчиња долги 2,5 цм и ставете ги во еден сад.
5. Исчистете ги младите кромитчиња, исечете ги на парченца и пржете ги на масло, малку посолени. Доматите исечете ги на половина, отстранете ги семките, а месото исечете го на тенки кришки. Додајте ги на кромитчињата заедно со малку вода, исечкан мајоран, па пржете ги 2 минути. На крајот посолете ги.
6. Сварете ги њоките во посолена и зовриена вода, извадете ги со лажица-цедалка кога ќе испливаат на површината од водата и префрлете ги во тава, во која сте го растопиле путерот и сте ја пропржиле жалфијата. Потоа префрлете ги во топла чинија и сервирајте ги со сосот од домати.