За подготовка на овој рецепт се потребни помалку од 55 минути

ТЕСТО:

1. Од брашното, солта, топлата вода, оцетот и маслото замесете тесто и поделете го на 10 топчиња. Секое топче расукајте го на мали кори и попрскајте го со растопен маргарин.
2. Расуканите кори се редат една врз друга, по 5 кори на две места. Горните (последните) кори не се премачкуваат со маргарин. Тестото се остава во фрижидер да отстои 1-2 часа.

ФИЛ:

1. Киселото млеко се меша со иситнетото сирење и се додаваат петте јајца.
2. Се промешува. Филот може да биде и од спанаќ, јајца, урда или од кисела зелка со парчиња свинско месо.

КОРИ:

1. Кога ќе отстои тестото, еден дел се расукува во кора голема колку округлата тепсија. Другата кора со сукало треба да се растегне за да биде тенка.
2. На тепсијата се става прво едната кора, се реди од филот, па се става и втората кора, потоа се ниша лево-десно за да биде набрана. На краевите се прави венец.
3. Зелникот се попрскува со масло и со растопен маргарин. Се пече на 200°C додека да зарумени.