За овој рецепт се потребни помалку од 35 минути

Песто сос:

1. Лукот излупете го и истолчете го во дрвен сад заедно со малку морска сол.
2. Потоа додајте ги целосните, измиени и исушени листови босилек и толчете ги заедно со лукот додека убаво не се испасира смесата и не стане кашеста.
3. Откако ќе добиете убава смеса, додајте ги боровите ореви и толчете повторно додека не се соедини смесата.
4. Пекорино кашкавалот изрендајте го на најситно и додајте го заедно со ренданиот пармезан во смесата со босилекот.
5. На крај додајте го маслото и убаво промешајте додека не добиете хомогена смеса.

Салата:

1. Макароните (или тестенини во форма на пеперутки) сварете ги во солена вода околу 8-10 минути, исцедете ги, па исплакнете ги под млаз ладна вода и ставете им малку маслиново масло.
2. Пилешкото месо испржете го во тава со малку масло, потоа посолете го и исечете го на коцкички.
3. Во голем сад измешајте го месото со шери доматите исечени на половинки, руколата и со уште малку масло.
4. Додајте ги макароните и домашниот песто сос и убаво измешајте. Сервирајте го јадењето ладно.