За овој рецепт се потребни помалку од 90 минути

1. Киноата потопете ја во водата најмалку 15 минути, па исцедете ја. Уште подобро е ако ја оставите да отстои во водата преку ноќ.
2. Потоа ставете ја во блендер заедно со урмите без семки, 4 лажици какао, 2-3 лажици мед (или друг засладувач по желба), ванила екстрактот, печивото, чиа семките и прстофат сол. Изблендирајте добро додека сите состојки убаво се соединат.
3. Половина од смесата претурете ја во кружен сад (15 см) врз намастена хартија за печење и печете 35-45 минути во рерна на 180 степени. Проверете со чепкалка или нож дали е печена – боцнете и ако ножот излезе чист, извадете ја од рерна.
4. Постапката повторете ја со преостанатата смеса.
5. Пандишпаните оставете ги да се оладат 15 минути пред да ги извадите од садот.
6. Во меѓувреме преполовете го авокадото и издлабете го, а потоа издлабениот дел ставете го во блендер заедно со 4 лажици какао, топеното кокосово масло и 4-6 лажици мед. Блендирајте додека добиете кремава, хомогена смеса.
7. Премачкајте од филот врз првиот пандишпан, па поклопете со вториот пандишпан. Премачкајте ја целата торта со остатокот од филот и украсете со шумско овошје.