За овој рецепт се потребни помалку од 40 минути

1. Со миксер пенасто изматете ги шеќерот во прав со прстофат сол и путерот (претходно оставен на собна температура да омекне).
2. Во смесата додавајте ги и жолчките, па мешајте со дрвена лажица и додавајте ги и брашното измешано со какаото, чоколадото искршено на парчиња, лешниците крупно исечени, румот, медот и белките (претходно изматени со миксер во цврст снег).
3. Така подготвената смеса претурете ја во намастено и набрашнето тавче и печете во претходно загреана рерна на 200 степени околу 20 минути.
4. На половина од печењето, покријте го колачот со алуминиумска фолија да не загоре одозгора, па продолжете да печете.
5. Пред сервирање, оставете го колачот да се олади, па послужете го со шеќер во прав, сладолед или овошје.