За овој рецепт се потребни помалку од 20 минути

1. Загрејте ја рерната на 200 степени. Намачкајте ги калапите за кафини со маргарин или путер.
2. Во подлабок сад ставете го путерот и на загреана рингла на тивко растопете го со повремено мешање. Потоа додајте го кршеното чоколадо и мешајте додека да се растопи, па тргнете од оган.
3. Во растопената чоколадна смеса додајте го шеќерот во прав и мешајте додека да се соедини смесата.
4. Потоа додајте ги и јајцата и жолчките и мешајте со миксер за убаво да се изматат јајцата. Постепено додавајте го брашното и добро мешајте со лажица.
5. Во секој од намастените калапи ставете од смесата, меѓутоа не ги полнете до врвот.
6. Печете ги колачите во загреаната рерна околу 10 минути, така што однадвор се цврсти, а внатре течни и меки. Внимателно одделете ги од калапите и превртете ги во чинија. Ако едно парче пресечете со лажица, одвнатре треба да истече чоколадната лава. Наросете ги со шеќер во прав.