Овој рецепт се подготвува за помалку од 40 минути

1. 160 грама чоколадо стопете го на пареа. Откога ќе се стопи, додајте уште 40 грама чоколадо и мешајте додека и тоа не се стопи.
2. 6 алуминиумски корпички наполнете ги малку помалку од половина со чоколадото. Ротирајте ги за сите страни да бидат убаво прикриени со чоколадо. Вишокот чоколадо вратете го во садот.
3. Превртете ги корпичките наопаку и ставете ги во фрижидер околу 30 минути.
4. 150 грама малини и 50 грама шеќер ставете ги во тенџере и гответе ги на умерена температура. Дозволете да почне да врие и гответе уште 5-10 минути. Пирето од малини процедете го на цедалка за да ги отстраните семките и тргнете го настрана.
5. 200 грама чоколадо стопете го на пареа. Откога ќе се стопи, додајте го процеденото пире од малини и убаво промешајте
6. 300 грама хопла ставете во еден сад и матете со електричен миксер додека не се формира шлаг.
7. Стопеното чоколадо со малини ставете го во изматениот шлаг и убаво соединете ги со шпатула.
8. Извадете ги алуминиумските корпички со чоколадо од фрижидер и внимателно извадете го чоколадото (засечете ги малку калапчињата за полесно да можете да ги извадите).
9. Чоколадните корпички наполнете ги со чоколадниот фил и ставете ги во фрижидер околу 2 часа.
10. Извадете ги од фрижидер, наредете свежи малини на површината, поросете со малку шеќер во прав и послужете.