За овој рецепт се потребни помалку од 120 минути

1. Во 250 мл млако млеко ставете го квасецот и додајте лажица шеќер и лажица брашно, промешајте, па оставете 15-тина минути да нарасне.
2. Во брашното ставете ги јајцата, нараснатиот квасец, маслото, шеќерот и солта, па замесете средно меко и нелепливо тесто.
3. Поделете го тестото на два еднакви дела, покријте ги со крпа и оставете ги да стасуваат 1 час.
4. Расукајте ги тестата во правоаголна форма. Премачкајте ги со мармалад и завиткајте ги во ролат, кој ќе го ставите во подмачкана тепсија.
5. Премачкајте ги ролатите со жолчка и со малку масло и печете на 200 степени околу 45 минути.
6. Готовата штрудла покријте ја со крпа, посипете ја со шеќер во прав и послужете.