За овој рецепт се потребни помалку од 60 минути + неколку часа тестото да отстои

1. Загрејте ги медот и путерот, а потоа оставете ги настрана да се оладат.
2. Јајцата со миксер пенасто изматете ги заедно со кафеавиот шеќер, шеќерот во прав и ванилиниот шеќер. Додајте ги медот и путерот и повторно со миксер матете за да добиете еднолична смеса.
3. Брашното измешајте заедно со печивото, какаото и мелените зачини, па додајте ги на матената смеса со јајцата. Додајте 80 грама исечкани бадеми и од целата смеса замесете тврдо тесто. Оставете го да отстои неколку часа.
4. Тестото расукајте го и исечете го на два еднакви дела. Половина од тестото ставете го врз набрашнета тепсија, премачкајте го со мармаладот, со филот од бадеми и преклопете го со другото тесто.
5. Печете го колачот 40 минути во рерна на умерена температура.
6. Кога ќе се олади, премачкајте го со чоколадна глазура, обложете го со останатите исечкани бадеми  и кандирано овошје и исечете го на коцки.