За овој рецепт се потребни помалку од 45 минути + 1 час за тестото

1. Квасецот растопете го во млакото млеко и оставете го да стаса околу 10-тина минути.
2. Потоа во еден сад измешајте го брашното со стасаниот квасец и млекото, па додајте го растопениот путер, жолчките од јајце, сол и рум.
3. Од состојките замесете тесто и оставете го да отстои 20 минути, па расукајте го и исечете кругови со чаша.
4. Круговите оставете ги да нараснат 30 минути во еден плех, малку набрашнет, покриени со влажна крпа.
5. Пржете ги крофните во поголема количина загреано масло, вртејќи ги само еднаш, додека добијат убава златнокафена боја.
6. Пржените крофни вадете ги врз салфетка за да се исцедат од маснотијата и оставете ги да се оладат.
7. Кога ќе бидат оладени, полнете ги со матена слатка павлака, засладена со малку шеќер во прав.
8. Мангото излупете го и исечкајте го на парчиња, па изблендирајте го со 40 г шеќер и со екстрактот од ванила.
9. Крофните сервирајте ги со преливот од манго, одозгора наросени со шеќер во прав.