За подготовка на овој рецепт се потребни помалку од 30 минути

1. Празот исечете го по должина на половинки.
2. На оган ставете тава со вода и во загреаната вода ставете ги парчињата праз да се обарат.
3. Земете керамичка тава и намрсете ја внатрешноста со путер.
4. Тргнете ја од оган тавата со обарениот праз и со решетка извадете ги парчињата и наредете ги во керамичката тава.
5. Скршете ги јајцата и во поголем сад изматете ги со жица за матење, потоа посолете ги по вкус. Додајте ја павлаката и 1 лажица брашно а потоа со маталката убаво промешајте додека не добиете хомогена смеса. Додајте уште малку брашно за да се згусне смесата и повторно промешајте.
6. Добиениот фил нанесете го во керамичката тава врз парчињата праз и одозгора наросете го со лебни трошки и пармезан. Додајте одозгора и неколку парчиња путер. Тавата ставете ја во рерна и печете 20тина минути на 250°C додека празот не зарумени. Готовите парчиња гратиниран праз исечете ги и послужете ги со рендан пармезан по желба.