За овој рецепт се потребни помалку од 100 минути

1. Во тенџере растопете го путерот и оставете го да се олади.
2. Во друго тенџере стоплете го млекото, но не го зовривајте.
3. Одвојте ги белките од жолчките; првите тргнете ги настрана, а жолчките пенасто со миксер изматете ги со шеќерот.
4. Во садот со жолчки додајте ги водата и млакиот путер. Мешајте со жица за матење и постепено додавајте го брашното.
5. Потоа додајте го и какаото, продолжете со матење, па постепено додавајте го млакото млеко.  Мешајте убаво да нема грутки. Треба да добиете доста течна смеса.
6. Настрана пенасто изматете ги белките со прстофат сол. Кога ќе се направи пена, додајте ги оцетот (или сокот од лимон), па продолжете со матење уште неколку минути. Белките не треба да се матат во цврст снег, но треба да бидат доста меки.
7. Смесата со белки постепено полека мешајќи додавајте ја во смесата со какаото.
8. Кога добро ќе се соедини смесата, претурете ја во четвртаст плех со намастена хартија за печење и печете го колачот во веќе загреана рерна на 150°C околу 80 минути.
9. Кога колачот ќе се испече, оставете го да се олади целосно, па посипете го со какао и исечете го на парчиња.