За овој рецепт се потребни помалку од 100 минути

1. Во длабок сад ставете ги свежиот квасец, 1 лажица шеќер и 70 мл млеко. Мешајте со лажица да се растопи квасецот, па додајте ги брашното, 180 мл млеко и маргаринот.
2. Додајте ги и жолчките, па со рака замесете меко и мазно тесто. Поделете го на 5 еднакви дела и оставете ги да стасуваат.
3. Во тенџере на оган ставете 200 мл млеко, мелениот афион, 150 г шеќер и медот. Мешајте со лажица и варете додека филот ја добие потребната густина.
4. Во друго тенџере на оган ставете 150 мл млеко, мелените ореви и 100 г шеќер, варете и мешајте со лажица додека и овој фил се згусне.
5. Јаболките излупете ги и изрендајте ги крупно, па ставете ги во трето тенџере на оган заедно со 150 г шеќер и мешајте со лажица. Откако течноста од јаболките ќе испари, тргнете го тенџерето од оган и во него измешајте го циметот.
6. На набрашнета работна маса од првото парче стасано тесто развлечете правоаголна кора, ставете ја во правоаголна тава за печење претходно намастена со маргарин и премачкајте ја со филот од рендани јаболки.
7. Потоа расукајте ја втората кора, ставете ја во тавата и премачкајте ја со филот од афион.
8. Врз тоа ставете ја третата кора и филувајте ја со вториот фил.
9. Прекријте со четвртата кора, премачкајте ја со 150 г мармалад и прекријте со петтата кора.
10. Печете го колачот во рерна на 190 степени, 60 минути.
11. Печениот колач премачкајте го со преостанатиот мармалад и наросете го со сечкани или мелени ореви или со шеќер во прав.