За овој рецепт се потребни помалку од 60 минути

1. Сувото грозје потопете го во сад со 50-тина мл млака вода и оставете го да отстои.
2. Во друг сад ставете ги брашното, маргаринот, 70 г шеќер и 1 јајце, па смесата замесете ја со рака.
3. Продолжете да го месите тестото на работната маса додека да стане мазно, па со сукало развлечете кора.
4. Ставете ја кората во тркалезна тава за печење намастена со маргарин и набрашнета.
5. Јаболките излупете ги и отстранете им ги рачките и семките, па исечкајте ги на тенки парчиња. Наредете ги врз кората во тавата и врз нив нанесете го омекнатото суво грозје.
6. Со миксер изматете 80 г шеќер и преостанатото јајце додека шеќерот се растопи.
7. Додајте ги слатката павлака и циметот и матете додека кремот ја добие потребната густина.
8. Нанесете го кремот во тавата, па одозгора целиот крем наросете го со бадеми исечкани на листови.
9. Колачот печете го во рерна на 200 степени, 30-тина минути.