За овој рецепт се потребни помалку од 25 минути

1. Загрејте ја рерната на 200°C.
2. Во тава за пржење испржете ја сланината 3-5 минути додека делумно се испржи, но не ја пржете предолго, не треба да биде крцкава. Потоа ставајте ги пржените парчиња врз салфетка да се исцедат од маснотијата.
3. Кришките леб исечете ги на кругови со нож или со врв на чаша, па ставете ги во силиконски калапи за мафини кои претходно ги премачкавте со масло.
4. Обвиткајте ги краевите од парчињата леб со по едно парче сланина, така што ќе ги наредите парчињата сланина помеѓу лебот и калапот за мафини.
5. Наросете рендано сирење на секое од парчињата.
6. Едно по едно кршете ги јајцата, отстранете околу пола од белката, па останатата белка и жолчка ставете ја врз лебот во калапите за мафини. Внимавајте да не ви растечат жолчките.
7. Печете ги јајцата во претходно загреаната рерна околу 10-12 минути, односно додека сланината стане крцкава.
8. Послужете ги веднаш и додајте сол и бибер по вкус.