За овој рецепт се потребни помалку од 90 минути

1. Цвеклото добро се мие, се сечат дршките, се витка во алуминиумска фолија и се пече околу 1 и пол час во рерна на температура од 160 степени (по околу еден час со чепкалка проверете дали е добро испечено-треба да биде доста омекнато).
2. Откако цвеклото ќе се испече, се сече на половина и се отстранува лушпата.
3. Кромидот ситно се сечка и се пржи во тенџере на растопен путер додека добие убава светлокафена боја. Потоа се додава печеното цвекло и убаво се пасира.
4. Во друг сад се вари пилешка супа и откако ќе се свари се остава настрана целосно да се олади. Може да ја ставите во фрижидер кога ќе биде млака за добро да се олади.
5. Оладената супа се става во тенџерето со цвеклото и кромидот, се остава уште малку да се вари и потоа се блендира со рачен миксер додека се добие убава, кремаста смеса.
6. На крај се посолува, се додава бибер, се меша и се послужува во чинија. Чинијата се декорира со масло од тиква, семки од сончоглед, копар и дробено козјо сирење.