За овој рецепт се потребни помалку од 60 минути

1. Варените јајца исечете ги на половина – жолчките изматете ги заедно со урдата.
2. Во жолчките додајте ги мајонезот и карито, исечканите парчиња шунка, сечканиот магдонос и измешајте го филот убаво со лажица.
3. Наполнете го филот во готварски шприц и со него наполнете ги половинките варени белки.
4. Потоа соединете две полнети белки формирајќи јајца.
5. Во длабок сад испасирајте ги варените и лупени компири, додајте ги брашното и путерот, посолете ја смесата и месете ја со рака да се соедини.
6. Со сукало расукајте кора и со калап или со чаша вадете тркалезни форми.
7. Врз секоја форма од компирите ставете по едно полнето јајце. Облепете ги јајцата со смесата од компири и формирајте ги крокетите.
8. Потоа извалкајте ги во 2 матени јајца со сол, па во лебни трошки и пржете ги на загреано масло во тава на оган додека добијат убава румена боја.
9. Сервирајте ги во чинија со зелена салата како гарнир и со зеленчук по вкус или послужете ги со пиво и со омилениот сос.