За овој рецепт се потребни помалку од 90 минути

Фил:

1. Млекото (150 мл) се зоврива со 200 г шеќер, па се додава афионот и се меша додека се добие густ фил.
2. Се трга од оган и се остава настрана.

Тесто:

1. Во малку млеко се растопува квасецот со лажица шеќер, па се остава да нарасне.
2. За тоа време брашното се соединува со млекото (200 мл), па се додаваат солта и маста.
3. Се додава и нараснатитот квасец, па постепено и наизменично се додаваат преостанатото млеко и брашно додека се замеси меко тесто.
4. Тестото се остава да нарасне 20 минути.
5. Потоа се сука со дебелина од половина сантиметар и се сече на еднакви квадрати со средна големина.

Финална постапка:

1. На секој квадрат се става лажиче фил, па аглите цврсто се спојуваат за да не тече филот.
2. Квадратите се редат едно до друго во подмачкан плех (споениот дел доаѓа одоздола).
3. Се оставаат да постојат 10-тина минути, па врз секој квадрат се става парче маргарин.
4. Се печат во загреана рерна на 160 степени, 30 минути.
5. Се оставаат да се подоладат, па се посипуваат со шеќер во прав.