За подготовка на овој рецепт се потребни помалку од 90 минути

ТЕСТО:

1. Во длабок пластичен сад ставете 500 грама од брашното и во средината направете длабнатина. Додајте ги во средината изматените 5 јајца, малку сол и замесете тврдо тесто.
2. Тврдото тесто поделете го на мали парчиња и развлечете ги со сукало (најдобро на машина за јуфки за убаво да се развлечат) што потенко или по желба ако сакате малку подебело тесто. Потоа исечете ги по желба, може на четириаголници. Од оваа доза добивате десет листови лазања.
3. Расуканите лазањи наредете ги на памучна крпа и оставете ги да се исушат неколку часа, а потоа гответе ги или од тестото со остар нож исечете делови и оставете ги ден-два да се сушат, а потоа спакувајте ги и користете ги по потреба.

ФИЛ:

1. На масло пропржете ја главицата ситно сечкан лук и потоа додајте го меленото месо.
2.  Откако месото ќе омекне, а водата ќе испари, додајте уште 2 чешниња исечкан лук, сечкан магдонос, ловоров лист, малку рузмарин, доматен сос, сол и бибер, а на крај полијте црно вино и динстајте уште неколку минути.
3. Во друг сад припремете го бешамел сосот; на растопен путер ставете 50 грама брашно и малку пропржете го (внимавајте да не потемне). Потоа прелијте ладно млеко и гответе со постојано мешање. Додајте морско оревче и малку сол.
4. Бешамел сосот оставете го настрана да се олади и измешајте го со 2 јајца и пармезан.

ПОДГОТОВКА:

1. Тепсија премачкајте ја со тенок слој путер, потоа ставете ред од филот со месо, ред тесто, ред бешамел сос и завршете со последниот слој бешамел сос.
2. Лазањите печете ги во загреана рерна околу 10 минути.