За овој рецепт се потребни помалку од 60 минути

1. Кромидот, лукот и морковите се пржат во загреано масло, па се додава меленото месо и продолжува да се пржи на тивок оган.
2. Потоа се додаваат чаша бело вино и сосот од домати. Се зачинува и се пржи додека течноста испари и се добие нормална густина.
3. За бешамел сосот се растопува путерот и се додава брашното или густинот. Се додава и млекото и откако ќе почне да врие, постојано се меша за да не се создадат грутчиња.
4. На крај во сосот се додава ренданиот кашкавал, се трга од оган и се зачинува со морско оревче.
5. Во врела вода со малку сол се става дел од лазањите. Откако ќе омекнат, се редат на тава за печење.
6. Се реди ред лазањи, па се става од сосот со месо, па од бешамел сосот и се повторува додека се потроши материјалот. На крај се завршува со бешамел сос.
7. Лазањите се печат околу 45 минути на 200 степени.