За овој рецепт се потребни помалку од 50 минути

1. Во тенџере на оган ставете 1 литар и 800 мл вода и 1 лажица вегета. Откако течноста ќе биде пред вриење, постепено додавајте ја палентата, непрекинато мешајќи ја со жица варете ја 2 минути.
2. Нанесете ја палентата во тава од рерна намастена со масло и оставете ја да се излади.
3. Изладената палента исечете ја на парчиња во форма на квадрати, како лазањи.
4. Празот ситно исечкајте го и пржете го на загреано масло во тенџере на оган.
5. Откако празот ќе омекне, додајте ги тенките чадени колбаси, исечкани на кругови.
6. Откако и колбасите ќе се испржат, во тенџерето додајте 50 г путер.
7. Зелката исечкајте ја на тенки парчиња и додајте ја во тенџерето, па откако и зелката ќе се испржи, тргнете го тенџерето со филот од оган.
8. Во тава на оган со преостанатите 50 г рстопен путер пржете го брашното и мешајте со жица.
9. Откако брашното ќе се испржи, додајте го млекото и преостанатата вегета и промешајте. Откако бешамел сосот ќе ја добие потребната густина, тргнете го тенџерето од оган.
10. Дното на огноотпорен сад прекријте го со лажните лазањи и нанесете го филот.
11. Потоа во садот нанесете бешамел сос и наредете ги преостанатите лажни лазањи, па премачкајте ги со преостанатиот бешамел сос.
12. Одозгора изрендајте го кашкавалот и печете 15 минути во загреана рерна на 200 степени.