За овој рецепт се потребни помалку од 40 минути

КОРА:

1. Жолчките од јајце се матат со 5 лажици шеќер, се додаваат 5 лажици брашно претходно измешано со мелените ореви и прашакот за печиво.
2. Белките се матат во цврст снег, па се додаваат во претходно изматената смеса и полека се меша со лажица.
3. Смесата се прелива во соодветен четвртест плех и се пече 20 минути на 180 степени.

ФИЛ:

1. Млекото се вари на умерен оган со 5 лажици шеќер, ванилин шеќер и со 6 лажици брашно. Откако ќе се згусне смесата, се трга од оган за да се излади.
2. На изладената смеса се додаваат 200 гр изматен маргарин и добро се мати.
3. Филот се нанесува врз испечената кора.

ТЕМЕН ФИЛ:

1. Слатката павлака се става во тенџере, се додава чоколадото претходно искршено на коцки и се додава коцка маргарин, па се вари на умерен оган со постојано мешање додека се растопи чоколадото.
2. Се остава 5 минути да отстои и се прелива врз белиот фил.
3. Готовиот колач се остава да отстои преку ноќ во фрижидер, а потоа се сече на коцки и се послужува.