За подготовка на овој рецепт се потребни помалку од 4 часа

1. Од 150 грама брашно, малку сол, 3 лажици млака вода и 2 лажици оцет замесете меко тесто. Добро изработете го, покријте го со кујнска крпа и оставете го да отстои.
2. Маргаринот исечете го на листови, посипете го со 100 грама брашно, па со сукало изработете масно тесто. Обликувајте коцка со дебелина најмалку 1 и пол см и ставете на ладно место околу 1/2 часа.
3. Потоа почнете со правењето на лиснатото тесто, т.е. заедно изработете го мекото тесто и масното тесто по следнава постапка: мекото тесто расукајте го на даска во облик на четириаголник (40х40 см). Масното тесто ставете го во средина и преклопете го со тестото од едната, па од другата страна, потоа нежно со сукало поминете го, па преклопете ги и долната и горната страна да добиете облик на коцка. Покријте и оставете повторно да мирува околу 1/2 часа.
4. Потоа тестото внимателно и нежно поминете го со сукалото, истенчете во вид на четириаголник и повторно повторете ја постапката со поклопувањето. Повторно оставете да отстои.
5. Постапката повторете ја уште еднаш и по третото преклопување, расукајте го тестото на големина по желба.
6. Ставете го лиснатото тесто да се пече во ненамастена тепсија која претходно е полиена со ладна вода, а за печењето потребна е висока температура од 220-230°C.