За овој рецепт се потребни помалку од 40 минути

1. Загрејте ја рерната на 175°C.
2. Исечкајте ги оревите и потпечете ги на ненамастена хартија за печење врз тава во загреаната рерна околу 4-6 минути да станат светлокафени. Оставете ги да се изладат.
3. Во голем сад измешајте ги пасираните банани, млакото млеко, јајцата (на собна температура), кокосовото масло, јаворовиот сируп (или мед) и ванилата; измешајте и додајте ги овесните снегулки, 1/2 чаша од печените ореви, цимет и прстофат сол, па мешајте додека смесата се изедначи.
4. Смесата ставете ја во намастен огноотпорен сад и печете ја во загреаната рерна 20-25 минути или додека добие светлокафена боја на површината.
5. Испечениот колач оставете го да се олади во огноотпорниот сад околу 5 минути пред да го исечете. Послужете го топол со додатоци по желба: со млеко или крем на површината, со уште печени ореви или со свежо овошје.