За овој рецепт се потребни помалку од 45 минути

1. Јајцата се матат добро со шеќерот и кога ќе згусне смесата, се додаваат маслото, млекото и брашното, претходно помешано со печивото.
2. Смесата се истура во подмачкано и набрашнето плехче, се пече во загреана рерна на 190 степени додека да фати коричка.
3. Се вади плехот од рерна и се распоредува овошјето по целото тесто (може да биде овошје по желба-вишни, праски, јагоди, јаболки или круши или некаква комбинација по вкус, пример вишни и јагоди).
4. Плехчето се враќа во рерната да се пече. Дел од овошјето при печењето од тежината ќе навлезе во тестото, а еден дел останува на површината.
5. Кога колачот ќе се испече, се става убаво да се излади, а потоа се украсува со шлаг, се ренда бело или црно чоколадо и се ставаат парчиња свежо овошје.