За овој рецепт се потребни помалку од 30 минути

1. Месото исечете го на долгнавести парчиња и измешајте го во чинија со 3 лажици соја сос и половина од медот.
2. Маслото загрејте го во вок тава на оган, па пржете го месото.
3. Откако ќе порумени, ставете го во цедалка настрана, па на истата исцедена маснотија пржете ги исечканите печурки на листови. Потоа и нив додајте ги во цедалката.
4. Во маснотијата во вок тавата пржете го кромидот исечен на резанки, па откако ќе се запржи додајте ги морковите и зелката исечени на долгнавести парчиња, ситно сечканата лута пиперка и промешајте.
5. Преостанатиот соја сос и сенфот додајте ги во садот со преостанатиот мед и промешајте.
6. Откако зеленчукот ќе омекне во тавата, вратете ги печурките и месото, па прелијте со слатко-киселиот сос.
7. Гответе уште кратко колку да впијат сите вкусови, па јадењето сервирајте го со варен ориз.