За овој рецепт се потребни помалку од 40 минути

1. Зрната коријандер и карито во прав ставете ги во дрвен сад за толчење и толчете ги.
2. Свежиот ѓумбир излупете го и исечкајте го со лукот на ситни коцки и додајте ги во садот со коријандерот и карито, па повторно толчете.
3. Смесата запржете ја во загреано масло во вок тава на оган и промешајте.
4. Додајте ги пилешките парчиња, исечени на долгнавести парчиња и пржете ги.
5. Додајте го и грашакот од конзерва, кромидот на резанки и кршеното фиде.
6. Посолете и промешајте, па откако кромидот, фидето и грашакот ќе омекнат, тргнете ја вок тавата со филот од оган.
7. Во тенџере со вода на оган варете ја коцката за супа. Додајте го виното, тргнете од оган и оставете ја супата да се олади.
8. Од изладената супа со вино додавајте во садот со брашното за да добиете смеса погуста отколку за палачинки. Мешајте со жица за матење додека смесата се соедини.
9. Со црпалка земајте од смесата и пржете во тава на оган со масло.
10. На непржената страна на првата палачинка ставете од филот и свиткајте ги краевите на палачинката кон внатрешноста и свиткајте ролат. Пржете во друга тава на оган во поголемо количество на масло.
11. Постапката повторете ја со останатите состојки, па редете ги во чинија со салфетка за да се исцедат од маснотијата.
12. Послужете ги со тартар сос или павлака.