За овој рецепт се потребни помалку од 90 минути

1. Стекот се сече на тенки листови, се става во тенџере со загреано масло и се пржи така што парчињата стек од двете страни убаво да заруменат.
2. Додека се пржи стекот, кикириките ситно се сечкаат, им се додава сосот од соја и кари зачинот, па се мешаат убаво за да се изедначат.
3. Кога ќе бидат испржени листовите стек, се редат во земјена тава.
4. Во маслото во кое се пржени се додава брашното, се пропржува, потоа се додава водата и се меша за да се изедначи смесата.
5. Врз наредените испржени стекови се става од филот од кикирики и се распоредува низ тавчето.
6. Одозгора стековите се полеваат со зовриеното брашно и се ставаат да се печат во загреаната рерна околу 1 час додека водата испари.
7. Пред да се извади од рерната се ренда кашкавал и се допекува уште 1-2 минути.