За овој рецепт се потребни помалку од 60 минути

1. Копаните се мијат и се сушат, а потоа се зачинуваат со 2 лажички куркума, 1 лажичка кари, 2 лажички ѓумбир, 1 лажичка цимет и прстофат лук во прав и добро се тријат од сите страни. Се посолуваат и се зачинуваат со бибер по вкус.
2. Во чинија се мешаат медот, 3 лажици масло, сенфот и кечапот, па се преливаат врз зачинетото месо и добро се втријуваат. Месото се остава 45 минути да отстои со повремено превртување.
3. Копаните потоа се пржат во добро загреана тава додека заруменат, па се ставаат во загреана чинија.
4. Оризот се мие и се суши, па се пржи со мешавина од масло и путер додека стане стаклест. Потоа се прелева со врела вода и се вари на умерена температура.
5. Кога оризот ќе биде до пола готов, се зачинува по вкус со сол и бибер, а пред самиот крај на готвењето му се додаваат 2 лажички куркума, 1 лажиче ѓумбир и 1 лажиче кари. Лесно се промешува со лажица, се исклучува ринглата и се остава уште неколку минути поклопено.
6. Во меѓувреме се мешаат јогуртот и павлаката, се зачинуваат по вкус со сол и бибер и се додаваат 1 лажиче куркума, 1 лажиче ѓумбир и прстофат лук во прав.
7. Во чинијата со копаните се додава оризот и се сервира со сосот.