За овој рецепт се потребни помалку од 45 минути + 5 часа за тестото

1. Измешајте го просеаното брашно со шеќерот, квасецот во прав и млекото. Може да употребите и 18 грама свеж квасец наместо 6 грама квасец во прав, што ќе го растворите претходно во млако млеко.
2. Добро измешајте ги состојките, додајте млака вода, медот, па додавајте ги јајцата едно по едно, путерот омекнат и исечен на коцки, па замесете тесто.
3. Тестото добро изработете го неколку минути, формирајте го во топка, обвиткајте го со проѕирна фартија и ставете го 3 часа да стаса.
4. Тестото потоа поделете го на 4 еднакви топки, покријте ги со фолија и оставете ги да отстојат 20 минути.
5. Потоа секој дел од тестото расукајте го во кружна кора (околу 26см) и оставете ги да отстојат околу 20 минути во фрижидер.
6. Првата кора ставете ја врз работната површина и премачкајте ја со нутела крем. Покријте со втора кора, премачкајте, па истото направете го со останатите кори. Завршете со кора (слика 1). Оставете во фрижидер најмалку 30 минути.

7. Потоа површината исечете ја на 4 линии како крст, оставајќи круг во средината (слика 2), па правете уште по еден исечок помеѓу секоја линија. Продолжете со тоа што ќе направите 16 исечоци.

8. Потоа секој од исечоците вртете го во спротивна насока (слика 3) со тоа што на крајот ќе ги свртите краевите еден кон друг (слика 4).

5. Повторете ја постапката со сите делови, а потоа ставете ја питата во плех врз хартија за печење (5) и оставете ја да стасува уште 1 час.

6. Печете во загреана рерна на 180 степени околу 40 минути, додека убаво зарумени (6).