За овој рецепт се потребни помалку од 60 минути

1. Во поголем сад се матат јајцата, па се додава 1 мала шолја масло, млакото млеко, сол, прашак за печиво, квасецот, јогуртот и брашното. Од состојките се замесува тестото и се остава да нарасне 30 минути.
2. Од смесата излегува тесто за да се направат 4 плеха пици. Ако ви е премногу, веќе обликуваните теста можат да се замрзнат.
3. Овој фил е за еден плех пица. Нараснатото тесто се обликува во форма на плехот, се мачка со кечапот убаво насекаде и се става оригано.
4. Во магдоносот, кој претходно е добро измиен и ситно исечкан, се додава сечканиот лук, зачини и масло по желба. Филот се промешува, а магдоносот треба да биде натопен во доволно масло за да не изгори при печење.
5. Со филот ја прекриваме пицата, посипуваме сусам и рендан кашкавал.
6. Пицата ја ставаме да се пече во загреана рерна на 200°C, околу 15 минути.