За овој рецепт се потребни помалку од 45 минути

1. Водата и путерот се варат во тенџере, па се додава брашното измешано со малку прашак за печиво.
2. Смесата се промешува и едно по едно се додаваат јајцата.
3. Се става во соодветен сад за печење и се пече во рерна на 180°C околу 15 минути.
4. Во меѓувреме се подготвува мусот од боровинки – боровинките се варат додека се добие смеса како пире.
5. Настрана се растопува белото чоколадо и потоа веднаш додека е растопено се меша со пирето од боровинки (не треба да помине време за да не се стврдне чоколадото).
6. Смесата се размешува и се додава слатката павлака и сè убаво се соединува.
7. Потоа се подготвува кремот – 6 жолчки се матат со шеќерот убаво додека шеќерот се растопи. Потоа се додава пченкарниот скроб и млекото, па убаво се меша.
8. Ванила стапчињата се преполовуваат и се чистат од семките, па се додаваат во смесата со жолчките и шеќерот. Добиената смеса се вари на пареа додека убаво се зготви и се добие крем.
9. Готовиот колач се вади од рерна, се сече и се служи со кремот и мусот од боровинки и бело чоколадо и топка сладолед од ванила.