За овој рецепт се потребни помалку од 80 минути

1. Исчистеното месо од патка посолете го, протријте го со мешан зачин, ставете го во намастена тепсија, а потоа во рерна на околу 220 степени.
2. Во поголем сад загрејте ја преостанатата маст, па додајте го ситно исечканиот лук и пржете го добро додека стане стаклест.
3. Потоа додајте ја исечканата кисела зелка, зачинете по вкус со сол и бибер и пропржете ја смесата.
4. Кога патката ќе се испече до половина, извадете ја од тепсијата, па на маснотијата во која се печеше додајте ја киселата зелка.
5. Промешајте добро, распоредете по целата тепсија, додајте малку вода, ставете ја полупечената патка и вратете го јадењето во рерната да се допече додека патката омекне.
6. Кога патката целосно ќе се испече, извадете ја од рерната и исечете ја на парчиња. Зелката ставете ја на чинија, а парчињата месо распоредете ги низ зелката и послужете со гарнир од печен компир.