За подготовка на овој рецепт се потребни помалку од 30 минути

1. Извадете им ги семките на кајсиите, во мал сад прелијте ги со врела вода и оставете ги да отстојат 5 минути. Потоа исцедете ги и оставете ги да се сушат на хартија околу 1 час.
2. Лешниците потпечете ги на фолија во загреана рерна на 180°C, околу 10 минути, сè додека не добијат златнокафена боја. Потоа замотајте ги во салфети и оставете ги да отстојат 5 минути. Тријте ги со салфетката за да им ја отстраните лушпата, а потоа исечкајте ги.
3. Така подготвените лешници, помешајте ги со шеќерот, ликерот од портокал и белката од јајце.
4. Од смесата со лешник, обликувајте мали топчиња, наполнете ја секоја кајсија, затворете ја, така што од секоја да се гледа малку фил.
5. Чоколадото растопете го на пареа, а потоа ставете ги едниот или двата краја на кајсиите во стопеното чоколадо и оставете го на мрсна хартија додека не се згусне. Држете го во ладна и покриена кутија со мрсна хартија меѓу двата слоја.