За подготовка на овој рецепт се потребни помалку од 40 минути

1. На модрите патлиџани им ги отсекуваме краевите и ги сечеме на половина по должина. Потоа секое парче го длабиме со лажица за полнењето. Вака подготвените модри патлиџани ги оставаме во чинија, а смесата од внатрешноста ја сечкаме на коцки.
2. Шунката, киселата краставичка и зденката ги сечеме на коцки, ги распоредуваме во различни садови и ги оставаме настрана.
3. На оган ставаме тава со маслиново масло. Во загреаното маслиново масло ги додаваме половинките модри патлиџани да се пржат од двете страни, а потоа ги ставаме на чинија со хартија за да ја впие мрснотијата.
4. Потоа ги пржиме исечканите модри патлиџани на тивок оган неколку минути со постојано мешање. Посолуваме по вкус и тргаме настрана во сад.
5. На оган ставаме тенџере и во него путер да се растопи, а потоа додаваме 1 лажица брашно, малку млеко, рин и исечкана зденка, па промешуваме со жица за матење.
6. Ставаме путер во тава да се растопи и ги додаваме шунката и киселите краставички. Промешуваме и ја ставаме испржената смеса од модрите патлиџани. Со оваа добиена смеса ги полниме половинките модри патлиџани.
7. Така наполнетите модри патлиџани ги редиме во керамичка тава, а потоа ги преливаме со претходно подготвениот прелив во тенџерето. Одозгора ставаме од останатата зденка, ситно сечкан магдонос, пармезан и 1 кафена лажица лебни трошки.
8. Тавата со модрите патлиџани ја ставаме да се пече во рерна на температура од 200°C, 15тина минути. Декорирајте со парчиња домат, босилек и пармезан по желба. Уживајте!