За овој рецепт се потребни помалку од 60 минути

1. Филетите од пилешки гради се сечат на половинки. Секоја половинка се покрива со проѕирна фолија и се чука со дрвен чук.
2. На секое филе се става по едно парче кулен и кашкавал. Се преклопува и се затвара со чепкалки. Затворените филети се наросуваат со сол и со мешавина зачин.
3. Филетите се валкаат во брашно и се пржат на загреано масло од двете страни.
4. Во истото масло потоа се пржи и исечканиот кромид. Откако ќе омекне, се додава виното и се остава на оган додека да испари течноста.
5. Се додаваат водата и киселата павлака. Се промешува и зачинува по вкус. Откако ќе зоврие, се додава густинот растворен во малку вода. Се вари додека да се добие густина како редок пудинг.
6. Филетите се редат во намастена тава и се преливаат со сосот од павлака. Одозгора се ренда кашкавал.
7. Јадењето се пече во загрена рерна на 180°C додека фати одозгора кора.