За подготовка на овој рецепт се потребни помалку од 30 минути

1. Телешките шницли исечете ги на мали парчиња, истенчете ги со дрвен чук и зачинете ги по вкус.
2. Зеленчукот исечете го на ленти, така што ќе бидат подолги од ширината на шницлата.
3. На секое парче месо ставете неколку ленти зеленчук и завиткајте го во ролна. Прицврстете ги краевите со дрвени чепкалки за да не се одвиткаат при пржењето.
4. Во тава на оган загрејте лажица масло, додајте бибер во зрно и ловоров лист (за пикантен вкус може да додадете и малку сечкана лута пиперка) и пржете ги приготвените телешки ролни неколку минути да добијат убава боја од сите страни.
5. Подготвените ролни ставете ги врз хартиена крпа за да упијат од вишокот маснотии и почекајте да се изладат, а потоа сервирајте со салата од свеж зеленчук.