За подготовка на овој рецепт се потребни помалку од 90 минути

1. За подготовка на полжавите: најпрво убаво измијте ги и варете ги 20тина минути. Откако убаво ќе се сварат, одделете ги од куќичката. Измијте ги добро неколку пати низ неколку води. Ставете ги во 1 литар вода помешана со оцет и оставете ги да отстојат 20тина минути.
2. Во лонец загрејте 100 грама зејтин и додајте ситно исечкан кромид да се пропржи. Потоа додајте црвен пипер, бибер и ловоров лист.
3. Полжавите најпрвин исцедете ги и потоа ставете ги во лонецот да се пропржат. Додајте вода или супа во лонецот и динстајте 1 час на умерен оган.
4. Во меѓувреме во зовриена вода ставете ги печурките, па кога малку ќе омекнат исцедете ги, исечете ги на ситни парчиња и додајте ги да се варат со полжавите. Наросете ситно сечкан магдонос по желба во лонецот и сол. Гответе заедно со печурките додека полжавите не бидат готови.