За овој рецепт се потребни помалку од 150 минути

1. Кромидот и празот се пржат во масло да омекнат. Се додаваат сечканиот морков и сечканите печурки.
2. Во смесата се додаваат соините трошки и оризот.
3. Тавата се трга од оган откако ќе се запржат состојките, па се додавааат сите зачини и сечканиот магдонос.
4. Дното на тенџерето се реди со сечкана зелка. Се завиткуваат сармите и се редат во круг.
5. Откако ќе се наредат сармите, врз нив се ставаат сечкани суви пиперки.
6. Се зоврива вода и се полива врз сармите.
7. Тенџерето се става во рерна на 200 степени околу 2 часа.
8. Се прави запршка – во тава на оган се загрева масло, се додава лажица црвен пипер и се меша. Запршката се полева врз готовите сарми.
9. Се пече уште 10 минути и се вади од рерната.