За подготовка на овој рецепт се потребни помалку од 30 минути

1. Исечете ги маслинките и 2 домати на ситни парчиња и извадете им ги семките.
2. Потоа убаво измешајте ги во сад и соединете ги заедно со лебните трошки, исечканиот лук, црвен пипер, свеж босилек, сол и масло.
3. Рибјите филети исечете ги на половина, малку сплескајте ги со дрвен чук и потоа секое парче наполнете го со претходно подготвената смеса.
4. Така подготвените рибји филети свиткајте ги во ролат, прицврснете ги со дрвени чепкалки и ставете ги во огноотпорен сад. Помеѓу секое парче додајте кругови од домат, масло и наросете ги со лебни трошки, а потоа печете ги во загреана рерна на 180°C, 10-20 минути.