За овој рецепт се потребни помалку од 40 минути

1. Јајцата се матат со 5 лажици шеќер и со ќесичето ванилин шеќер. Се додаваат брашното и прашакот за печиво и смесата убаво се соединува.
2. Во плех на хартија се истура смесата за печење и се пече 20 минути. Откако ќе се испече пандишпанот се превртува на влажна крпа. Се одлепува од хартијата и се завиткува во влажна крпа.
3. Во сад на рингла се ставаат 1 чаша шеќер, 1/2 чаша вода, маргаринот, мелените ореви и мелените бисквити. Смесата се вари со постојано мешање додека згусне.
4. Пандишпанот се премачкува со филот и се витка во ролат, а потоа се сече на парчиња и се послужува.