За овој рецепт се потребни помалку од 60 минути

ТЕСТО:

1. Загрејте 100 мл вода, но да не зоврие.
2. Брашното просејте го и измешајте го со солта, маслото и додавајте ја постепено загреаната вода.
3. Од состојките замесете меко тесто. Покријте го со влажна крпа и оставете го да отстои половина час на средно топло место.

ФИЛ:

1. Уклучете ја рерната на 180°C.
2. Во меѓувреме излупете ги крушите и посипете ги со мешавина од 40 грама шеќер и со изрендана кора од половина лимон. Може по желба да додадете во рецептот и мелени или сечкани ореви.

ПРЕЛИВ:

1. Млекото стоплете го во тенџере заедно со изренданиот свеж ѓумбир.
2. Во друг сад измешајте ги жолчките, 50 грама шеќер и 1 кафена лажица брашно, па постепено додавајте го  млакото млеко, а потоа целата смеса ставете ја на оган и мешајте додека малку се згусне.

ФИНАЛНА ПОСТАПКА:

1. Расукајте го тенко тестото во квадрат и ставете го врз набрашнета хартија за печење во плех и убаво развлечете го на страните.
2. Одозгора нанесете од филот и притиснете го добро, но внимавајте тенкото тесто да не се скине.
3. Поклопете го тестото, намастете ја штрудлата со путер или масло и печете ја во загреаната рерна околу половина час.
4. Десетина минути пред да се испече, извадете ја од рерна и додајте шеќер во прав.
5. Штрудлата оставете ја да се подолади, а потоа прелијте ја со врелиот прелив и послужете ја.