За овој рецепт се потребни помалку од 35 минути

1. Мангото изупете го од кората и исечкајте го на коцкички. Потоа блендирајте го во пире со помош на блендер или рачен миксер. Треба да добиете околу 2 чаши пире.
2. Пирето од манго ставете го во тенџере на умерено-тивок оган. Гответе го со постојано мешање околу 8-10 минути или додека се намали до половина.
3. Оставете го пирето од манго целосно да се олади.
4. Во подлабок сад измешајте ги ладното манго и кондензираното млеко, па измешајте со жица за матење за да се соединат.
5. Настрана со мискер во друг сад изматете ја слатката павлака во пенаст шлаг, па со лажица измешајте ја во смесата со манго. Мешајте неколку минути да нема грутки.
6. Смесата претурете ја во пластични садови (или стаклен) со капак и замрзнете ја преку ноќ или најмалку 12 часа.