За овој рецепт се потребни помалку од 50 минути

Кори:

1. Спанаќот се обарува.
2. Обарениот спанаќ и кромидот се сечкаат ситно, па во подлабок сад се мешаат со јогуртот.
3. Се додаваат 50 мл масло, 3 јајца и сол и се промешува.
4. Постепено се додава брашно помешано со печиво и постојано се мати со лажица.
5. Добиената смеса се истура во плех обложен со хартија за печење и се пече 15 минути на 200°C.
6. Се сече на три еднакви дела и се оставаат да се оладат.

Филување:

1. Се варат 3 јајца.
2. Едната кора се става на чинија за торта, се премачкува со 200 мл павлака. Се посипува со ситно сечкана шунка и се премачкува со 100 мл мајонез.
3. Одозгора се става втората кора, се премачкува со павлака, се редат варените јајца исечени на кругови и се премачкува со мајонез.
4. На крајот се преклопува третата кора, се премачкува со павлака, се посипува одозгора со рендан кашкавал и се наросува со пржен сусам.
5. Може да се исечат и коцки и наместо сусам да се декорира со зеленчук, маслинки и слично за мезе.