За подготовка на овој рецепт се потребни помалку од 25 минути

1. Во мало тенџере на умерен оган сварете ги излупените цреши со 3 лажици шеќер и ликер (може да употребите и овошен ликер). Гответе додека смесата не зоврие и тргнете настрана, а потоа во садот додајте 10 грама желатин претходно измешан со 4 лажици ладна вода.
2. Во друг сад на пареа згответе 3 жолчки од јајце со 3 лажици шеќер и 1 пакување ванилин шеќер. Гответе со непрекинато мешање додека шеќерот целосно не се растопи и тргнете настрана. Останатиот желатин измешајте го со 2 лажици ладна вода и додајте го во смесата со жолчките. Убаво промешајте и додајте го маскарпоне сирењето.
3. Чоколадото растопете го на пареа со 1 дл слатка павлака и оставете да се олади. Потоа оладената смеса изматете ја со миксер за да се добие цврст крем.
4. Пишкотите натопете ги во млеко и распоредете ги на дното од стаклените чаши за послужување. Врз пишкотите ставете од филот од цреши, потоа ставете од филот од ванила и одозгора ставете уште еден слој потопени пишкоти. Над пишкотите, додајте слој од чоколадо и на крај завршете со шлагот од слатката павлака. Декорирајте со свежи плодови цреши и посужете го десертот ладен.