За овој рецепт се потребни помалку од 50 минути

1. Се матат 4 жолчки со 300 г шеќер со постепено додавање 10 лажици млака вода, а потоа се додаваат и посебно изматени 4 белки, 100 г мелени ореви, 200 г брашно и 1 пакетче печиво.
2. Се пече на 180 степени, 30 минути. Испечениот пандишпан се сече на два дела.
3. За филот: се матат 3 јајца со 10 лажици шеќер на пареа. Се додаваат 250 г маргарин и 100 г растопено чоколадо.
4. Пред да се филуваат корите се попрскуваат со рум.
5. Се става првата кора, па се премачкува со фил, потоа се става и втората кора одозгора.
6. Се матат 2 шлаг-крема од ванила, па целата торта се премачкува и се декорира на краевите со кујнски шприц.
7. Со малку растопено црно чоколадо се формираат бројките и стрелките и се декорира со уште чоколадни ронки по желба.