За подготовка на овој рецепт се потребни помалку од 40 минути

ПОДГОТОВКА НА ГЛАВНОТО ТЕСТО:

1. Со брзи движења замесете тесто од следниве состојки: 60 грама маргарин или путер, брашно, 50 грама шеќер во прав, прстофат сол, изрендана кора од 1/2 лимон и 1 жолчка. Откако убаво ќе го изработите тестото, ставете го во фолија и оставете го во фрижидер да отстои 30 минути.
2. Со путер намрсете округла модла за торта со димензии 24 см. Расукајте го тестото и обложете ја модлата, така што од страните тестото да изнесува 2 сантиметри во висина. Дното прободете го со вилушка и печете го тестото во загреана рерна на 180°C, околу 10 минути, а потоа оставете да се олади.

ПОДГОТОВКА НА ТЕСТОТО СО БАДЕМИ:

1. Со електричен миксер пенасто изматете 40 грама путер со 40 грама шеќер во прав, постепено додавајте ги жолчките, мелените бадеми и на крај додајте цврста пена од изматени белки.

ПОДГОТОВКА:

1. Испеченото тесто во модлата за торта наросете го со презла, ставете 500 грама малини, наросете ги со измешана смеса од 80 грама шеќер во прав и ванилин шеќер и на крај посипете го со тестото од бадеми.
2. Тортата вратете ја во рерна и печете ја уште 35-40 минути.
3. Оставете малку да се подолади, внимателно извадете ја од модлите и оставете целосно да се олади. Пред сервирање, на краевите декорирајте со шлаг од ванила и свежи парчиња малини.