За овој рецепт се потребни помалку од 100 минути

Пандишпан

1. Во тенџере на оган растопете го путерот.
2. Одделете ги жолчките од белките – белките изматете ги со миксер со половина од шеќерот додека да ја добијат потребната цврстина.
3. Жолчките изматете ги во друг сад со миксер со преостанатиот шеќер и ванилиниот шеќер додека се растопи шеќерот.
4. Изматените жолчки, изладениот путер и брашното ги додаваме во садот со изматени белки и мешаме додека смесата се соедини.
5. Ја нанесуваме во 3 тркалезни калапи за печење обложени со хартија, ги ставаме во рерна и печеме на 180°C околу 20 минути.

Крем од ванила

1. Во тенџере ставете ги јајцата, 175 г шеќер во прав и ванилиниот шеќер и матете со миксер.
2. Откако шеќерот ќе се растопи, додајте ги брашното и 100 мл млеко, па откако смесата ќе се соедини, исклучете го миксерот и ставете го тенџерето на оган и мешајте со лажица.
3. Во друго тенџере на оган додајте го преостанатото млеко и откако ќе зоврие, додајте ја смесата.
4. Непрекинато мешајте додека кремот ја добие потребната густина.

Финална постапка

1. Пандишпаните филувајте ги со кремот од ванила.
2. Одозгора наредете парчиња сечкани јагоди, шеќер во прав и шлаг.
3. За шлагот изматете со миксер прашок за шлаг со 300 мл млеко додека ја добие потребната цврстина.