За овој рецепт се потребни помалку од 100 минути

Пандишпани

1. Во длабок сад со миксер изматете ги јајцата и шеќерот додека не се растопи.
2. Потоа додајте ги брашното, мелените ореви и печивото и измешајте.
3. На покрупната страна од рендето во садот изрендајте го чоколадото и мешајте со лажица додека смесата не се соедини.
4. Потоа ставете од смесата во тркалезна тава бр.24 и во 2 тркалезни калапа сите обложени со хартија.
5. Ставете ги калапите во претходно загреана рерна и печете ги 20 минути на 200 степени.

Фил

1. Сувото грозје прелијте го со 30 мл топла вода и оставете го малку да се кисне.
2. Во тенџере на оган ставете ги млекото и шеќерот и промешајте.
3. Откако млекото ќе се загрее, тргнете го тенџерето од оган, додајте ги мелените ореви и промешајте.
4. Во сад за матење со миксер пенасто изматете го путерот.
5. Додајте ги изладените, полупопарени ореви и омекнатото суво грозје, па матете со миксерот додека смесата се соедини.
6. Смоквите од слатко ситно исечкајте ги ( рецепт за домашно слатко: https://moemeni.mk/?cs_recepti=slatko-od-zeleni-smokvi )  и додајте ги во садот, па целиот фил мешајте го да се соедини.

Финална постапка

1. Пандишпаните извадете ги од калапите и од тавата и отстранете им ги хартиите.
2. На чинија за торта ставете го првиот пандишпан, прелијте го со шербетот од слаткото од смокви и премачкајте го со фил.
3. Истата постапка повторете ја и со вториот пандишпан.
4. Нанесете го третиот пандишпан и прелијте го со шербетот од слаткото, па страничниот дел на тортата премачкајте го со преостанатиот фил.
5. Горната површина на тортата премачкајте ја со изладен чоколаден прелив: во тенџере на оган ставете ги слатката павлака и чоколадото на парчиња. Мешајте да се растопи чоколадото.
6. Декорирајте ја целата торта со рендано чоколадо, со чоколадни трошки или со сечкани ореви.